Picodi.com талдаушылары әртүрлі елдердің тұрғындарына iPhone 14 PRO (128 ГБ) сатып алуға ақша табу үшін қанша күн жұмыс істеу қажет болатынын анықтады.
Қазақстанда iPhone 14 PRO (128 GB) 699 990 теңге тұрады. Елдегі орташа жалақы - 312 011 теңге. Салықтарды ескере отырып, орташа қызметкердің қолына түсетіні 251 401 теңге. Көріп отырғанымыздай, iPhone 14 сатып алу үшін бір орташа жалақы жеткіліксіз. Қажетті соманы жинауға 58,5 күн қажет. Бұл барлық жалақы тек қажетті соманы жинауға жұмсалатын жағдайда.
іPhone 14-ке ақша жинау үшін басқа елдердің тұрғындарына қанша уақыт қажет болатынын білгіңіз келе ме. Бәрінен тезірек Швейцария тұрғыны телефонды сатып алады. Оған тек 4,6 күн қажет болады. Американдық телефон сатып алу үшін 5,7 күн, ал австралиялық 6,1 күн жұмыс істейді.
Ең нашары – Тәжікстандағы жағдай. Ел тұрғыны iPhone сатып алу үшін 179,5 күн жұмыс істеуі керек. Төменнен санағанда екінші және үшінші орындарда Түркия мен Қырғызстан орналасқан. Олардың тұрғындары тиісінше 146,7 және 136,3 күн жұмыс істеуі керек.
